فش فارم میں کن باتوں پہ توجہ دی جائے ؟

​ پانی کے رنگ پر نظر رکھیں کہ ہرا رہنا چاہئے۔ پانی کی سطح پر کائی کی تہہ نہیں جمنی چاہئے اگر جمنے لگے تو سمجھیں پانی خراب ہونے لگا ہے۔ مچھلی کو اگر فیڈ دیتے ہیں تو چیک کرتے رہیں کہ مچھلی خوراک مکمل کھارہی ہے یا نہیں۔ اگر فرٹیلائزر یا گوبر ڈالتے ہیں تو اس کی مقدار مناسب ہونی چاہئے۔ مچھلی کی نشونما پر نظر رکھیں کہ صحتمند ہے اور بڑھ رہی ہے۔ اگر مچھلی کو کوئی پرابلم ہے تو اسکا سبب پانی کی خرابی بھی ہوسکتی ہے اور کوئی بیماری بھی۔ صبح کے اوقات میں اگر مچھلی پانی سے منہ باہر نکال کر ہوا لینے کی کوشش کرے تو یہ آکسیجن کی کمی کی طرف اشارہ ہے۔ اگر یہ کبھی کبھار ہو تو نظرانداز کیا جاسکتا ہے لیکن اگر اکثر اوقات ہونے لگے تو آکسیجن میں اضافے پر توجہ دیں اور خوراک یا فرٹیلائزر ڈالنا بند کردیں۔ مختصراً یہ وہ باتیں ہیں جو آپ کھلی آنکھوں سے پرکھ سکتے ہیں اور ضروری اقدامات اٹھا سکتے ہیں۔ انکے لئے کسی اوزار یا پیمانے کی ضرورت نہیں۔