Shortage of freshwater is a serious issue in Pakistan and there are many linked issues such as water wastage, salinization, desertification, wasteful water harvesting and many other. Use of alternative methods to help compensate for these losses are required to be implemented to help farmers and farming in countries like Pakistan. On this page we will keep posting "Do It Yourself (DIY)" methods which can help reduce the effects of fresh water shortage and support small scale farming. These methods have returned successful results around the world.

پانی کی کمی پاکستان جیسے ملکوں کیلئے بہت بڑے مسائل میں سے ایک ہے۔ اور اس سے جڑے دیگر مسائل جیسے پانی کا ضیاع، کھاری پن, بنجرپن اور پانی کی سپلائی کے انتظام میں خرابیاں اسے مزید بڑھاوا دینے کا سبب ہیں۔ ان حالات میں ضرورت ہے کہ پانی کو حاصل کرنے اور اس کے انتضام کیلئے غیر روایتی طریقوں سے مدد لی جائے۔ یہاں ہم نے کوشش کی ہے کہ پانی کے حصول اور انتظام کیلئے نئے طریقوں کے متعلق بتائیں جن کو اپنا کر کئی ممالک میں پینے کے پانی اور چھوٹے پیمانے کی زراعت کے مسائل حل کئے جارہے ہیں۔ مانا کہ یہ طریقے چھوٹے پیمانے کے ہیں لیکن قطرہ قطرہ دریا کے مصداق بڑی تاثیر رکھتے ہیں اور اگر دانشمندی سے کام لیا جائے تو انہیں اپنا کر حالات کو بدلا جا سکتا ہے اور پانی کی کمی پر قابو پایا جاسکتا ہے۔  

وہ کونسے کام ہیں جو پانی کے دانشمندانہ حصول کیلئے کئے جاسکتے ہیں؟ 
​What can be done to wisely harvest water

 Harvesting Rain Water through Pond Construction برسات کا پانی جمع کرنے کیلئے تالاب بنانا

برسات کے پانی کو تالاب میں جمع کرنا: برسات کے پانی کو تالاب میں جمع کرنے کے بہت سے فوائد ہیں ان میں سب سے اہم یہ ہے کہ اس پانی پر کھیت آباد کئے جاسکتے ہیں، جانوروں اور دیگر گھریلو ضروریات کیلئے پانی دستیاب ہوگا۔ انڈیا اور نیپال کے کئی علاقے جو کہ پانی کی کمی کا شکار تھے برسات کے پانی کو تالابوں میں جمع کرکے اپنی زمین آباد کر رہے ہیں اور اسطرح خوشحالی کے راستے پر گامزن ہیں۔ ان کا کچھ احوال ان وڈیوز میں موجود ہے۔

Constructing Sand Dams or Underground Dams ریت کے ڈیم یا زیر زمین ڈیم بناکر پانی زخیرہ کرنا

 ایسے علاقے جن کی زمین نشیب و فراز پہ مشتمل ہے وہاں اترائی کی طرف دیوار بناکر ڈیم سا بنا دیا جاتا ہے، یہ ڈیم بظاہر ریت کا ہوتا ہے تاہم ریت کے نیچے پانی ٹریپ ہوجاتا ہے۔ چونکہ یہ علاقے گرم ہوتے ہیں اور برسات کے فوراً بعد پانی بخارات میں تبدیل ہوکر اڑ جاتا ہے تاہم ریت کے ڈیم کی وجہ سے پانی ریت کی موٹی تہہ میں پھنس جاتا ہے جسے ڈیم کے ڈھلان میں کواں بناکر یا ڈیم کے بیس میں نل لگا کر نکالا جاتا ہے جوکہ ریت میں سے چھن کر آنے کی وجہ سے صاف ہوتا ہے اور تقریباً مستقلاً دستیاب ہوسکتا ہے۔ پینے کے علاوہ اضافی پانی محدود پیمانے پر سبزیاں وغیرہ کاشت کرنے کیلئے بھی استعمال کیا جاسکتا ہے۔

Fog Harvesting  دھند سے پانی کا حصول

 فوگ یا دھند کو کئی ملکوں میں پینے کے پانی حاصل کرنے اور دیگر مقاصد کیلئے استعمال کیا جارہا ہے۔ پاکستان مین بھی کئی علاقے ایسے ہیں جہاں دھند کی موجودگی سے فائدہ اتھایا جاسکتا ہے۔ اس کا طریقہ یہ ہے کہ مخصوص قسم کی باریک جالیاں جو کہ کم از کم ایک مربع میٹر سے لیکر کئی مربع میٹر کی ہوتی ہیں دھند کے راستے میں لگائی جاتی ہیں۔ جالیوں کے نچلے سرے پر پائیپ کو کاٹ کر اس طرح لگایا جاتا ہے کہ جالیوں سی قطرہ قطرہ پانی ان پائپوں میں گرتا ہے جو کسی برتن یا ٹینک سے جڑے ہوتے ہیں۔ پانی اس برتن یا ٹینک میں جمع ہوتا رہتا ہے۔

Use of Alternative Energy and Technology for water harvesting ​پانی کے حصول کیلئے متبادل توانائی اور ٹیکنالوجی کا استعمال

کنویں سے یا تالاب سے پانی نکالنا ہو یا کھیت میں پانی بھرنا ہو متبادل تونائی جیسے سولر انرجی یا ہوائی پنکھوں سے مدد لی جائے تو وقت اور پیسہ دونوں کی بچت ہوگی۔ بجلی کی دستیابی آجکل کے حالات میں بہت مشکل اور مہنگی ہے اور انسانی ہاتھوں سے کئے گئے کام میں بہت وقت کا ضیاع ہوتا ہے، لہٰذا دیگر ذرائع جیسے سولر انرجی جوکہ آجکل کافی سستی ہے استعمال کرنی چاہئے۔       اس موضوع پر تفصیلی معلومات کیلئے یہاں کلک کیجئے

Do it yourself economical solar pump for your fish pond or agriculture farm اپنے تالاب یا کھیتی باڑی کیلئے کم خرچ میں سولر پمپ خود بنائیں۔

Harvesting Water from Roads روڈ یا راستوں سے برساتی پانی کو جمع کرنا

 ہمارے ملک میں چھوٹے بڑے، کچے اور پکے بہت سارے روڈ رستے ہیں جن سے اگر پانی کو ذخیرہ کیا جائے تو بڑی مقدار میں پانی جمع کیا جاسکتا ہے۔ روڈ رستوں کے ساتھ کھالیں بناکر برسات کے پانی کو آسانی سے کسی نشیبی جگہ جمع کیا جاسکتا ہے جو کہ کھیتی باڑی میں استعمال کیا جاسکتا ہے۔

Small Scale Desalination کھارے پانی کو میٹھا بنانا

 ہمارے ملک میں بہت سارے علاقوں میں میٹھا پانی آسانی سے دستیاب نہیں۔ ایسے میں زیر زمین کھارے یا سمندری پانی کو گھریلو استعمال کیلئے نہایت آسانی سے میٹھے پانی میں تبدیل کیا جاسکتا ہے۔ اسکے لئے اپنی مدد آپ سے چھوٹے سے ڈی سیلینیشن یونٹ بنائے جاسکتے ہیں۔ اسطرح پینے اور دیگر چھوٹی ضرورتوں کیلئے میٹھا پانی دستیاب ہو سکتا ہے۔ ان کی تفصیل ان وڈیوز میں موجود ہے۔

Constructing Check Dams in watershed and streams چھوٹے چھوٹے چیک ڈیم بناکر پانی ذخیرہ کرنا

 برساتی پانی کے راستے میں چھوٹے چھوٹے بند تعمیر کرنے سے چھوٹے چھوٹے تالاب اور اور جھیلیں بن جاتی ہیں۔ اس پانی کو بعد میں قریب کی زمینوں کو سیراب کرنے کے علاوہ پینے کے پانی کیلئے بھی استعمال کیا جاسکتا ہے۔  چیک ڈیم کی وجہ سے زیر زمین پانی کو بھی ریچارج کیا جاسکتا ہے۔ چیک ڈیم پہاڑی علاقوں کیلئے انتہائی کارآمد ہوتے ہیں۔      اس موضوع پر تفصیلی معلومات کیلئے یہاں کلک کیجئے۔

View More مزید وڈیوز کیلئے یہاں کلک کریں