جس طرح زراعت میں کھیت کھلیانوں، ٹنیل فارمنگ اور ہائڈروپونکس کے درمیان ٹیکنولوجی، ڈینسٹی اور پروڈکشن کا فرق ہوتا ہے بلکل اسی طرح فش فارمنگ میں بھی عام تالاب، انٹینسو تالاب اور ریسرکیولیٹنگ ایکواکلچر سسٹم یا سپرانٹینسو فش فارمنگ کے درمیان ٹیکنولوجی، ڈینسٹی اور پروڈکشن کا فرق ہوتا ہے۔ ہم ابھی تک کھیت کھلیانوں والی زراعت کر رہے ہیں اور اب لوگ ٹنیل فارمنگ کی طرف آنا شروع ہوئے ہیں۔ اور ہم ابھی تجرباتی ہائڈروپونکس سے آگے نہیں بڑھ سکے ہیں۔ بلکل اسی طرح ہماری فش فارمنگ میں بھی وہ ٹیکنولوجی اور ایکسپرٹیز موجود نہیں کہ ہم ابھی انٹینسو یا سپر انٹینسو فش فارمنگ کر سکیں۔ اسلئے ہم فارمرز کو کہتے ہیں کہ ضرور سپر انٹینسو کی طرف جائیں اور ہماری منزل یہی ہے، لیکن ابھی ہمیں کئی شروعاتی مرحلے طئے کرنے ہیں، لہٰذا دھیرج سے اور تجربے سے آگے بڑھیں تاکہ ناکامی نہ ہو۔